ختمی مرتبت حضرت محمد(ص)وصفینده.
«مُحَمَّدْ صَلَّ اللهُ عَلَیْهِ وَآلِهِ»
چکنده نقشِ نگینْ حَیِّ ذوالجلالِ محمدص
ملکلره مُتَجَلّی اولوب خیالِ محمدص
حَریروسُنْدُسِ جنّتدی سبزه شالِ محمدص
اولوبدی مُهرِ نبوّت گؤزل مدالِ محمدص
(کنارِ لعلِ لبینده سیاهْ خالِ محمدص)
(کِاَنَّ چشمهٔ زمزمده دیربِلالِ محمدص)
ـــــــــــــــــــــــــ
تؤکَرشرابِ محبت جمالیمه خُمِ چشمیم
فراقِ عشقینه قان آغلاییبدی قُلزمِ چشمیم
گؤزل جمالینی من قویمارام اولا گُمِ چشمیم
گزیرهمیشه اوماهین سُراغینی اُمِ چشمیم
(چکر بیاضینا مِهرِ منیرِ مردُمِ چشمیم)
(کیم اوْلْ بیاضاچکه صورتِ مثالِ محمدص)
ــــــــــــــــــــــــــــــ
مَلَکلر اولدو او گول عارضین گؤرَن کیمی حیران
باخاندا صورتینه عاشق اولدو هر آییق انسان
محبتین اِئلییب قلب ایچینده نازیله پنهان
نِئچه اُویسِ قَرنلر اولوبدی عشقینه قربان
(نَه مِیلِ باغِ بهشت اِئیلَییرنه حورْنَه غلمان)
(اگرمُیَسّراولا دولتِ وصالِ محـمد.ص)
ـــــــــــــــــــــــــــــــــ
سَپیپ جمالینین عطرین گول ایچره گولشنه خالق
بیرآزهدیّه وِئریب عطرِیاس و سوسنه خالق
مبارک آیه لرینده دِئییبْ،دؤنَه،دؤنَه خـالـق
آچیبدی یِئراوزونه رَحمت اوسته روزَنَه خالق
(بهشت وصفینی کیم بونجا ائیلییرمنه خالق)
(مشخص اولدوکی منظوردور وصالِ محمد)
ــــــــــــــــــــــ
حریمِ عشقینه کیم گلمیشوق اراده ائیله
محبت اهلی بیزوک قلبِ صاف وساده ائیله
قبول اِئدراؤزوخوش صورتِ گشاده ائیله
سـواره لَرْدَه آیاغلاشدیلارپیاده ائـیله
(حرام اِئدَرْبیزه هیجرانی شُربِ باده ائیله)
(اولوبدو قانیمیزآیا نَدَن حلالِ محمدص)
ـــــــــــــــــــــــ
آلیبدی صبریمی دلدن منیم اوماه دلْ آرا
اولوبدو مملکتِ جانیما، او، شاه،او،دارا
وار اعتقاد و یقینیم اورکده عالی شعارا
الهـی مرحمتینلن منیمله ائیله مدارا
(ایشیمدی سجده همیشه، دوطاقِ اَبْرویِ یارا)
(خمیده قیلدی قَدیمْ حسرت هلالِ محمدص)
ـــــــــــــــــــــــ
«قیزیل قلم»سؤزوتضمین إئدیب بوحالیده سیّد
مُسَدّس اولدو بو تضمینِ ایده آلیده سیّد
او پاکْ جدّینه قرباندی مُلک ومالیده سیّد
گؤزوم قالیبدی هَلَه چشمهٔ زلالیده سیّد
(صفاایسَهْ غَرضین کعبهٔ وصالیده«سیّد»)
(بَسیندی عشق محمدله مِهرِآلِ محمدص)
✍«قیزیل قلم»✍اکبرستاری✍-----نظر آذربایجان وپیرامون-در انتظار بهار---نور جمالین گونش باخان کیبی قارشدیرمور گوزومی یامحمد(ص) -سوزون عملینده متجلی الور یالانچی زاهد کیمی سانیمرام سنی یامحمد(ص)- سنون دئینوون هر نقطه سی انصاف کامیل دور نقض ائتمیر اونی احساسی مصلحتلر یامحمد(ص) -سن هم عربسن هم تورک و فارس ویهود وترسا و قارا و ساریسان سن نجور بشر سن یامحمد(ص)-تانری سنین جمالیون ایشیقننان اون ایکی امام عترتینده احسان ائدوب دور خلایقه -لاف دئمیرم یامحمد(ع) هاموسونین حسناتی سنده جمع الوب یامحمد(ص)---ای محمد علی وار ای محمد حسن وار ای محمد حسین وار-ای محمد سجادی وار-ای محمد باقری وار-ای محمد صادقی وار-ای محمد کاظمی وار-ای محمد زضا وار-ای محمد جوادی وار-ای محمد هادی وار-ای محمد عسگری وار ای محمد (ص)محمد وار(ع)-تملق دئیور باخ ای تانریننین سئویگولی هاموسی سننده جمع الوب یامحمد(ص)
