قارتالدير ياشايار يارالي تبريز...شعر

شاعر یعقوب نامینین "باشی بلالی تبریز شعرینی سیزه تقدیم ائدیرم

سوورولدو زامانين ساماني بئله
بلالي باشينا بلالي تبريز!
كيمسه تاپيلمادي آغلايا سنه
آناسيزياشايان خالالي تبريز!

زامانلار، طوفانلار، بورانلار، قارلار
هاميسين سینديريب گوبود دووارلار
اسديرير باشيني قوجا چينارلار
اللري ديزينده قالالي تبريز!

بير زامان داغلارين عرشه اوجالميش
گونشدن باج آلميش، آي دان باج آلميش
نه‌دن گنجليگینده بئله قوجالميش
آي بنيز، لاچينلي، سونالي تبريز.

ايناملا ياشيرام گله‌جه‌يي من
چيچكلر آچيليب گوله‌جك چیمن
دوشسه‌ده باشينا هردن بير آغ دن
قارتال‌دير ياشايار يارالي تبريز.


برچسب‌ها: اینام, خالالی, سونالی, قوجا
+ نوشته شده در  شنبه چهارم آذر ۱۳۹۶ساعت 11:27  توسط عبدالحسین  |